D.Lorenzo Parreño
Moderador da Xornada
D. Antonio Grande Biosca
Responsable División incendio Honeywell
D. Ángel Sánchez Rodríguez
Xerente de vendas para España e Portugal
Honeywell- CCTV
D.Guillermo Álvarez
Xerente de Área Galicia ADI-INTERNATIONAL
Data: 25 de febreiro do 2009
Lugar: Escola Galega de administración pública-EGAP
Polígono das Fontiñas, Rúa de Madrid, 2-4
15707 Santiago de Compostela, A Coruña - España
1.-Título:
Xornada técnica sobre: “Seguridade contra incendios e tecnoloxías en materia de sistemas de seguridade para edificios e recintos de pública concorrencia”.
2.-Obxectivo:
O obxectivo da xornada é o de presentar, de forma global, a normativa e solucións novas e desenvolvementos tecnolóxicos que se están xerando no mundo dos sistemas de seguridade, especialmente os aplicados a edificios e recintos de pública concorrencia.
Cada vez máis, os sistemas de seguridade son instalacións necesarias nos edificios e espazos públicos. Instalacións de obrigado cumprimento, como a detección de incendios, están normalizadas, pero outras como os sistemas de Circuíto Cerrado de Televisión (CCTV), Alarmas por Intrusión ou Evacuación por Voz déixanse a criterio da enxeñería, do instalador ou do mesmo promotor, polo que se xera unha dispersión de coñecemento e como consecuencia unha instalación deficiente en numerosos casos.
A xornada pretende trasladarlles aos técnicos que prestan os seus servizos na Xunta de Galicia aqueles coñecementos, que desde a Asociación de profesionais do persoal de servizos técnicos da Xunta de Galicia cremos interesantes para poder deseñar, implantar e explotar correctamente un sistema de seguridade. Para isto contamos coa colaboración de responsables de produto e clientes de Honeywell, que se prestan para desenvolver unha xornada técnica na que se ofreza unha visión técnica destas tecnoloxías e se deixe aberta a posibilidade de afondar canto sexa necesario en cada unha delas.
